Ավանդույթ

Հաղորդաշարը հայկական մշակույթի կարևոր բաղադրիչի՝ մշակութային ավանդույթների մասին է, որոնք դարեր շարունակ ունեցել են և այսօր էլ ունեն մշակութաստեղծ գործառույթ։ Ավանդույթները մեր մշակույթի խտացված, բանաձևված կոդերն են, որոնք այլաբանորեն կարելի է անվանել մեր մշակույթի յուրօրինակ ԴՆԹ։ Ավանդույթների միջոցով մեր մշակույթը ոչ միայն դարեր շարունակ փոխանցվել է հաջորդ սերունդներին, այլև պարբերաբար վերարտադրվել է ու ձևավորել ուրույն արժեհամակարգ, աշխարհընկալում, քաղաքակրթական մոտեցում։ Այս իմաստով արելի է ասել, որ ավանդույթը անցյալից եկող հայացք է դեպի ապագան։ Ավանդույթները, կարելի է ասել, պատասխանում են ամենատարածված և կարևորագույն հարցին․ ով՞ ենք մենք, որտեղի՞ց ենք գալիս և ու՞ր ենք գնում։Հաղորդաշարը ներկայացնում է մեր մշակութային ավանդույթները տոնա-ծիսական համակարգում, հավատալիքներում, արհեստներում։ Հաղորդաշարի ընթացքում հայկական մշակութային ավանդույթները ներկայացվում են համաշխարհային մշակույթի համատեքստում՝ որպես մարդկության ստեղծած արժեքների մի կարևորագույն բաղադրամաս։