Բառերէն

Այս հաղորդաշարը բացառիկ է իր ձևաչափով և ժանրով։ Առաջին անգամ հայկական հեռուստաեթերում ոչ միայն լսում, այլև տեսնում ենք պոեզիան ու արձակը։ Սա յուրատեսակ կինոպոեզիա է, որտեղ գրական տեքստը դուրս է գալիս իր սահմաններից և վերածվում տաք ու հուզիչ պատմության։ Մենք այստեղ տեսնում ենք ոչ թե բուն բանաստեղծության մարմինը, այլ հոգին՝ մարմին առած խաղարկվող դրամայի զուսպ պլաստիկայով։ Ի՞նչ անուն տալ այս ժանրին։ Կինոգրականություն, որը խոսում է ԲԱՌԵՐԷՆ։ Նախագծի նպատակն է միավորել հայերենի բոլոր բարբառները (նաև արևմտահայերենն ու համշենահայերենը) բարբառային բանահյուսության, երգերի, պոեզիայի միջոցով՝ ստեղծելով ընդհանուր համազգային մշակութային պահոց, և լսելի դարձնել բարբառները՝ բացահայտելով դրանց գեղեցկությունը: Նախագիծը իրականացվում է Սոս Սարգսյանի անվան Համազգային թատրոնի հետ համագործակցությամբ: